منيم سئوگيم گؤندمليك دويغولارين قيديغي دئييل!
گئجه گولوب, سحر چاغي اونودولا!
سوموگومده دوغولان قانلا دوغولوب, قيزاردار اورييمي!
شكيلي, داوينچي نين بدل تابلوسودور گؤزومون اونونده؛
يوخسول اليمين درين باخيشي,
آلقيشلير حئيرتله!
منيم سئوگيم قارا گيله يا آلا گؤزلرين سئوگي سي دئييل!
و چوخ گؤيچك دئييل, اورييمي وورا!
منيم سئوگيم گؤزلوك داليندا, سارالان گيله سيله اوخويار مني!
و من آنليندا چيزگي لرين ناغيلين دينله رم,
سارالان گيله نين دويغوسوندا ائله ورق له نيرم كئفلي جه,
ائله وورغونام او گؤزلره كي.....
قيديخلامير بوش قولتوقلاريمي, هئچ گؤزون اللري!
من سئوگيمي گئجه سئويب, گونوز اوپرم تانرينين هر آيه سينده.