يئنه اللريم قانا بوياندي!

بير عوموردور احساس دوغوب, بوغورام!

ائي ائركك دونيا! آرتيق منه دوخونما!

 نه قارنيمدا سانجيا زور قاليب, نه اللريمده گوج!

سميه يولقونلو

بازارين ايستي زاماني.

بيري تالان وورموشدو مالينا!

بير اووج سئودا اليمده ساتيرديم بير باخيشا!

....

آخشام...

دولو اليمي اورييمه باسديم.....!!!

سميه يولقونلو

بوش اورييمه ائله دولورلار سانكي ابدييت يوواسي!

بوراسي قبير! نه چيرپير كي سئوگي ياشاتسين؛ نه اسير كي قوناق بئجرسين!!

بوراسي گئنيش بير قبير....!

اؤلو سئوگي لر قالانيب, قبريستان ياراديب اينسان بوردا!

سميه يولقونلو

بير ايتي باخيش,

دوغرادي, بؤيوك آرزيلار داشييان بئلي بوكوك اوريين يوكونو!

آرتيق يونگول گئتمه يي دوشونركن, دوغرانميش هر بير تيكه, ايتي باخيشين سيجاق كؤزو آلتيندا بويودو!

سيجاق باخيش..

سيجاق نفس...

سيجاق ال...

ايندي ايسه ديله گليب اورك:

يا گل بئلي بوكولموش اوريين اليندن توت!

يا سوندور بو يانديريب, آرزي بئجردن سيجاقليغين كؤزون!

سميه يولقونلو

فاحشه اورك قوسونجان سئوگي داددي!

آمما توخالمادي قارني!!

هله اللرينده قوسولموش سئودانين قوخوسو....!!

هله ده سوفرا آچيق.......!

......

ندنسه بركتلر هله ده او قوخوق اللري سئوير؟!

بلكه ده ذاتا سوفرا قوخوق.......!

سميه يولقونلو