زومار آيدا،
اوزوم فصلينده!
اورييم،
چليك له پاركلاري گزير؛
و اؤتن عومرون دوشونجه سي،
گؤزومون اؤنونده ياللي گئدير:
" آنلاشيلمادي سئوگي،
يانليش ياتاقلاردا!
نه منيم رويالاريمدا چيچك لريم ساچيما دوزولدو،
نه سنين پؤرنولارين تنيم ده گرچكله شدي!
نه هئچ ايكي اورك بيرله شدي!
يانليش ياتاقلاردا،
قوسولدوم دونيايا دفعه لرجه!
......."
.......
زومار آيدا،
اوزوم فصلينده،
پاركلاري گزير اورييم،
چئورمده كپنك لر اوچور؛
و بيرآز او تايدا؛
تكجه اؤنريم شطرنج يولداشي دير!
من ايسه،
ياناقلاريم گنج بير اوغلانين سئوگي آرتيغيندان پوتله نير!
چليكله اليم اورتاسيندا ازيلن چيچكلر،
آنلاشيلمير گنج سئوگيله!
ساچيم بنزه مير او ساچلارا....!
......
يوسيف خلعتي باشيما چكيلسيدي بير،
گنج اوغلانين سئوگي سينده،
قارا ساققاللارين قدريني،
من بيلرديم.....
زومار آيدا،
اوزوم فصلينده!