وحشي نيسگيل لر
شعر و يازي
+0 بين(لايك)
یاییلیب : چهارشنبه 2 مهر 1393 | یازار : سميه علي دوست | بؤلوم : | 0 باخيشلار

آغ ساچلارين قارا بختيمه ياراشمادي!

گلمه دين!

و سني هئچ گؤرمه ديم!

هميشه گؤزلوك داليندا قالدي گؤزلرين!

يارالي گؤزلرين!

و يارالي گؤزلرين اولماديم!

يوخومون شيرين چاغيندا،

سرنوشت  بانلادي،

و بوتون سنلي مني باشيمدان قاچيرب،

غارت ائتدي!

و سن خوشبختليك آرزيسين صدقه وئردين منه!

......

سني هئچ گؤرمه ديم،

سنلي چاغيمدا!

عومور بويو داريخسام سنلي گؤزلريمه،

سنلي سميه يه،

گلمه آرتيق!

سن بهانه ايدين سئوگيليم؛

و من ازلدن خوشبختيديم!

يالنيزغارت اولونان بوتون سن اولدون من دن....!

........

آغ بختيم ايندي آياقلاريمدا يووا ساليب!

من گئديرم،

سن ده گلسن،

جان سينيرين او تاييندا،

بير دونه گؤزلوكونو گؤتور......

09/05/1393



+0 بين(لايك)
یاییلیب : چهارشنبه 2 مهر 1393 | یازار : سميه علي دوست | بؤلوم : | 0 باخيشلار

هر سحر ذهنيمين مناره سي اذان باغيرير!

 بير آيه يالنيز!

"بلكه دؤندو"

و اورك سئوگيه قالخير

حي علي سئوگي

"بلكه بير داها دوندو"

من تيتره سم ده

سن آرخايين اول

بورالاردايام

قيش اولسادا

بوتون پنجره لر آچيقدير

حتي

سون هميشه باغلي مقدس باجا,

شعفله سئوگيه قالخيب

"بلكه دوندو" باغيرير آچيغجا......

09/05/1393



+0 بين(لايك)
یاییلیب : چهارشنبه 2 مهر 1393 | یازار : سميه علي دوست | بؤلوم : | 1 باخيشلار

عاليم كيشي لردن زهله م گئدير!

سن گل,

مني بير لات كيمي سئو!

سال ساچلاريمي قارا لئچك آلتينا

گئجه لر كيپ پرده توتولموش پنجره لرين آراسيندان يئل اسنده

آچ لئچه يي

يالنيز سنه داراييم ساچلاريمي

گل كولگه ندن گؤزلريمه ياشماق توت

سال مني سيخما بوغمايا

سني اولمالييام يالنيز

گل مني بير قلبي قارا لات كيمي سئو.....

08/05/1393



+0 بين(لايك)
یاییلیب : چهارشنبه 2 مهر 1393 | یازار : سميه علي دوست | بؤلوم : | 0 باخيشلار

كونلوم گئدير اليمدن, آي ميصري لر نيگارا

افسوس كي گيزلي سيرري, گؤز ائيلير آشكارا

 

هايلاندي قانلي بارماق, الده تورونج شاشيردي

سالدي زولئيخا آدين, ديللرده آشكارا

 

معراج باغلي دوشدو, عاييشه ساوچي اولدو

اول جبره­ييل گتيردي, بو وحيي آشكارا

 

نون و قلم و ياسين, ليس هناك من سر

جومله زولئيخا سس لر, قورآن دا آشكارا

 

ييرتير دوشومو شعريم, هر بئيتيده حياسيز

كونلوم سوسوب اوتانمير, فخر ائيلر آشكارا

30/04/93

Könlüm gedir əlimdən, ay misrilər nigara

əfsus ki gizli sirri, göz eylir aşkara

 

haylandı qanlı barmaq, əldə turunc şaşırdı

saldı züleyxa adin, dillərdə aşkara

 

meerac bağlı düşdü, aişə savçı oldu

ol cəbrəil gətirdi bu vəhyi aşara

 

nun o qələm və yasin, ləysə honakə men ser

cümlə züleyxa səslər, quran da aşkara

 

yirtir döşümü şerim, hər beytidə həyasız

könlüm susub, utanmır, fəxr eylir aşkara



+0 بين(لايك)
یاییلیب : چهارشنبه 2 مهر 1393 | یازار : سميه علي دوست | بؤلوم : | 0 باخيشلار

منيم سئوگيم گؤندمليك دويغولارين قيديغي دئييل!

گئجه گولوب, سحر چاغي اونودولا!

سوموگومده دوغولان قانلا دوغولوب, قيزاردار اورييمي!

شكيلي, داوينچي نين بدل تابلوسودور گؤزومون اونونده؛

يوخسول اليمين درين باخيشي,

آلقيشلير حئيرتله!

منيم سئوگيم قارا گيله يا آلا گؤزلرين سئوگي سي دئييل!

و چوخ گؤيچك دئييل, اورييمي وورا!

منيم سئوگيم گؤزلوك داليندا, سارالان گيله سيله اوخويار مني!

و من آنليندا چيزگي لرين ناغيلين دينله رم,

سارالان گيله نين دويغوسوندا ائله ورق له نيرم كئفلي جه,

ائله وورغونام او گؤزلره كي.....

قيديخلامير بوش قولتوقلاريمي, هئچ گؤزون اللري!

من سئوگيمي گئجه سئويب, گونوز اوپرم تانرينين هر آيه سينده.



یارپاق لار : 1 2 3


Powerd By : ARZUBLOG.COM Theme Designer : Blogskin.ir